حمو بيكا: عصام صاصا عمره ما كان مؤذي والراجل نصيبه يموت

ساند مطرب المهرجانات الشعبية حمو بيكا، عصام صاصا في الأزمة التي يمر بها بعد دهسه مواطنا، وذلك من خلال نشره صورة له على حسابه الشخصي، عبر موقع تبادل الصور والفيديوهات إنستجرام.

وكتب حمو، على الصورة قائلا: عصام صاصا عمره في حياته ماكان موذي او شخص مش كويس وانا مش بكتب الكلام ده عشان اظيط في الظيطه ومش محتاج اظيط انا ك حمو بيكا  انا اعرف الراجل ده من سنين ال سنين كمان.

وتابع: خبط واحد بعربيته قضاء و قدر ياريت بقي الناس بتاعت التيك توك والصحافين والناس اللي هي بتظيط دي متركبش المركب بالشقلوب و تفضل تقول كلام محصلش الراجل ده دلوقتي في محنه وفي اكتر مش شخص بيطلعوا يعملوا فيديوهات ملهاش اي تلاتين لازمه ملكمش الحق انكم تتكلموا وملكمش الحق انكم تطلعوا تجيبوا سيرتو ب اي حاجه انا شايف كميه فيديو ع التيك توك بجد حاجه تقرف حاجه تدل ع ان احنا شخصيات معندهاش مبداء و شخصيات مقرفه اي كان جريده اي او الصحفيين اللي بيمشوا بالتليفونات في اي حته دول انتم ملكمش الحق انكم تتكلموا في اي حاجه اصلا و مين اداكم الحق للكلام ده بس بجد انتو ابشع مما تتصورو.

وأضاف: الراجل مات و ده نصيبو الله يرحمو و يرحم جميع امواتنا لكن المزيدات ملهاش لازمه صدقوني و القانون والدوله هما الوحدين اللي ليهم الحق في الكلمه او في اي حاجه تخص الموضوع ياريت بقي نهدا ونبطل هري و نهدا كل شويه جريده تطلعلنا واحده مبتعرفش تتكلم تفضل تهري في الموضوع، 
ربنا يرحم اللي مات برحمتو، وربنا يرجعلنا عصام صاصا بالسلامة، عصام صاصا مش مجرم.